ఐవోసీఎల్‌లో జూనియర్ ఆపరేటర్లు

 ఇండియన్ ఆయిల్ కార్పొరేషన్ లిమిటెడ్ (ఐవోసీఎల్) సదరన్ రీజియన్ పరిధిలోని మార్కెటింగ్ డివిజన్ (నాన్ ఎగ్జిక్యూటివ్ )లో ఖాళీగా ఉన్న జూనియర్ ఆపరేటర్ (గ్రేడ్ 1, ఏవియేషన్) తదితర పోస్టుల భర్తీకి అర్హులైన అభ్యర్థుల నుంచి దరఖాస్తులను ఆహ్వానిస్తున్నది.

 
వివరాలు: ఇండియన్ ఆయిల్ కార్పొరేషన్ లిమిటెడ్ అనేది ఇండియాలోని ఫార్చ్యూన్ గ్లోబల్ 500 కంపెనీల్లో అతిపెద్ద వాణిజ్య సంస్థ.
-మొత్తం ఖాళీల సంఖ్య: 98 (జూనియర్ ఆపరేటర్ (గ్రేడ్ 1)-51, జూనియర్ ఆపరేటర్ ఏవియేషన్-46, జూనియర్ చార్జ్‌మ్యాన్-1)
-ప్రాంతాలవారీగా ఖాళీలు: తెలంగాణ-11, ఏపీ-12, కర్ణాటక-28, కేరళ-3, తమిళనాడు/పుదుచ్చేరి-44 
-పోస్టు పేరు: జూనియర్ ఆపరేటర్ (ఏవియేషన్)
-అర్హత: హయ్యర్ సెకండరీ లేదా ఇంటర్‌లో 45 శాతం (ఎస్సీ, ఎస్టీ 40 శాతం) మార్కులతో ఉత్తీర్ణత. వినియోగంలో ఉన్న హెవీ వెహికిల్ డ్రైవింగ్ లైసెన్స్ ఉండాలి. సంబంధిత రంగంలో ఏడాది అనుభవం ఉండాలి.
-పోస్టు పేరు: జూనియర్ ఆపరేటర్ (గ్రేడ్ 1)
-అర్హత: పదోతరగతితోపాటు రెండేండ్ల వ్యవధిగల ఐటీఐ ట్రేడ్ (ఎలక్ట్రానిక్స్/ఇన్‌స్ట్రుమెంట్ మెకానిక్, ఎలక్ట్రీషియన్, మెషినిస్ట్, ఫిట్టర్)లో ఉత్తీర్ణత . సంబంధిత రంగంలో ఏడాది అనుభవం ఉండాలి.
-పోస్టు పేరు: జూనియర్ చార్జ్‌మ్యాన్
-అర్హత: పదోతరగతితోపాటు మూడేండ్ల వ్యవధిగల డిప్లొమా (మెకానికల్, ఎలక్ట్రికల్, ఇన్‌స్ట్రుమెంటేషన్, సివిల్, ఎలక్ట్రికల్ అండ్ ఎలక్ట్రానిక్స్)లో ఉత్తీర్ణత . సంబంధిత రంగంలో ఏడాది అనుభవం ఉండాలి.
-వయస్సు: 2018 జనవరి 31 నాటికి 18 నుంచి 26 ఏండ్ల మధ్య ఉండాలి. ఎస్సీ, ఎస్టీలకు ఐదేండ్లు, ఓబీసీలకు మూడేండ్లు, పీహెచ్‌లకు పదేండ్ల వరకు వయోపరిమితిలో సడలింపు ఉంటుంది.
-పే స్కేల్ : రూ. 10,500-24,500/-
-అప్లికేషన్ ఫీజు: జనరల్/ఓబీసీ రూ. 150/-
-ఎంపిక: రాత పరీక్ష, స్కిల్ టెస్ట్, స్కిల్ ప్రొఫిషియెన్సీ ఫిజికల్ టెస్ట్(ఎస్‌పీపీటీ) ద్వారా. అభ్యర్థులు రాత పరీక్షలో సంస్థ నిర్ణయించిన కనీస అర్హత మార్కులను సాధించాలి.
-రాతపరీక్ష ఆబ్జెక్టివ్ విధానంలో మొత్తం 100 మార్కులకు ఉంటుంది. సంబంధిత టెక్నికల్ నాలెడ్జ్-40, జనరల్ ఆప్టిట్యూడ్ అండ్ క్వాంటిటేటివ్ ఆప్టిట్యూడ్-20, రీజనింగ్ ఎబిలిటీస్-20, బేసిక్ ఇంగ్లిష్ లాంగ్వేజ్ స్కిల్స్-20 అంశాల నుంచి ప్రశ్నలు ఇస్తారు. 
-ఈ ఆబ్జెక్టివ్ పరీక్షను 90 నిమిషాల్లో పూర్తిచేయాలి.
-నెగెటివ్ మార్కింగ్ విధానం లేదు
-ప్రతి సరైన సమాధానానికి ఒక మార్కు ఇస్తారు.
-రాతపరీక్షలో నిర్దేశిత మార్కులతో ఉత్తీర్ణలై వారి మెరిట్ జాబితా నుంచి 1:2 నిష్పత్తిలో ఎస్‌పీపీటీకి ఎంపిక చేస్తారు.
-దరఖాస్తు : ఆన్‌లైన్ ద్వారా. ఆన్‌లైన్‌లో పంపిన దరఖాస్తులను ప్రింట్ తీసి, అవసరమైన సర్టిఫికెట్లను జతచేసి పర్సనల్ అధికారికి పంపాలి.
చిరునామా: 
Post Box No-3321, 
Nungambakkam MDO, 
Chennai-600034
-చివరితేదీ: ఫిబ్రవరి 10
-హార్డ్ కాపీలకు చివరితేదీ: ఫిబ్రవరి 16
-రాతపరీక్ష తేదీ: ఫిబ్రవరి 25
-ఫలితాలు విడుదల: మార్చి 10
-వెబ్‌సైట్: https://www.iocl.com