malayalam

അച്ചടക്കം വിദ്യാഭ്യാസത്തില്‍.

Vaishnavi | Saturday, November 4, 2017 1:51 PM IST

വിദ്യാലയപരിപാടികളുടെ സുഗമമായ നടത്തിപ്പിന് അച്ചടക്കം അത്യാവശ്യമാണ്. സ്കൂളില്‍ ലഭിക്കുന്ന അച്ചടക്കബോധം പില്ക്കാലജീവിതത്തിലും കുട്ടികള്‍ക്ക് പ്രയോജനപ്പെടുന്നു. വിദ്യാര്‍ഥികളുടെ അച്ചടക്കബോധം ഏറിയ പങ്കും അധ്യാപകന്റെ വ്യക്തിമാഹാത്മ്യം, വിദ്യാലയപരിതഃസ്ഥിതികളുടെ പര്യാപ്തത മുതലായവയെ ആശ്രയിച്ചിരിക്കുന്നു. ഇതിന് സഹായകങ്ങളായ രണ്ടു മാര്‍ഗങ്ങളാണ് സമ്മാനവും (reward) ശിക്ഷയും (punishment). പ്രതിഫലം പ്രതീക്ഷിക്കാതെയും ശിക്ഷയെ ഭയപ്പെടാതെയും നല്ലതു ചെയ്യുന്നതാണ് ഏറ്റവും ഉത്തമമായ പെരുമാറ്റവിധം. എന്നാല്‍ ഈ മാനസികനിലവാരത്തിലെത്താന്‍ വിദ്യാര്‍ഥിക്കെളുപ്പമല്ല. അതിന് സഹായിക്കുകയാണ് അധ്യാപകന്റെ ധര്‍മം. അതുകൊണ്ട് സമ്മാനവും ശിക്ഷയും വളരെ വിവേകപൂര്‍വമായി മാത്രമേ വിദ്യാലയങ്ങളില്‍ പ്രയോഗിക്കുവാന്‍ പാടുള്ളു.