university

शिक्षकांची निवडणूक कामातून सुटका?

Webdesk | Saturday, November 25, 2017 1:47 PM IST

शिक्षकांची निवडणूक कामातून सुटका?

मुंबई :  मुंबईसह राज्यातील अनेक शिक्षकांना गेल्यावर्षीप्रमाणे यंदाही बुथ लेवल ऑफिसर (बीएलओ) आणि मतदारयाद्यांच्या पुनर्रचनेची कामे दिल्याचा प्रकार नुकताच समोर आला आहे. याप्रकरणी शिक्षकांना लवकरच दिलासा मिळण्याची चिन्हे असून शिक्षकांना या कामातून वगळण्याचे संकेत निवडणूक आयोगाने दिल्याची माहिती आमदार कपिल पाटील यांनी दिली.

मुंबईसह राज्यात सध्या परीक्षेचा माहोल सुरू झाल्यानंतरही अनेक शिक्षकांना बीएलओ आणि मतदारयाद्यांच्या पुनर्रचनेच्या कामांसाठी जुंपण्यात आले आहे. याविरोधात आमदार कपिल पाटील यांनी दिल्ली येथे निवडणूक आयोगाचे मुख्य सचिव एन. एन. भुटोलिया आणि के. एफ. विल्फ्रेड यांची भेट घेतली. मतदारयाद्यांचे पुनरिक्षण आणि बीएलओच्या कामांतून शिक्षकांची मुक्तता करावी याबाबत निवेदन दिले आहे. त्यावर शिक्षकांना निवडणूक कामे न देण्याचे आदेश दोन दिवसात आयोगाकडून देण्यात येणार असल्याचेही पाटील यांनी सांगितले.