tamil

பாலிடெக்னிக் தேர்வில் தோல்வியுற்றவர்கள் பட்டயத் தேர்வு எழுத மீண்டும் வாய்ப்பு!!

Webdesk | Thursday, January 11, 2018 7:54 AM IST

பாலிடெக்னிக் தேர்வில் தோல்வியுற்றவர்கள் பட்டயத் தேர்வு எழுத மீண்டும் வாய்ப்பு!!

பாலிடெக்னிக் தேர்வில், சில பாடங்களில் தோல்வியுற்ற முன்னாள்மாணவர்களுக்கு, பட்டயத் தேர்வு எழுத மீண்டும் விண்ணப்பிக்க அறிவுறுத்தப்பட்டுள்ளது.இது குறித்துமோதிலால் நேரு அரசு தொழில்நுட்பக் கல்லுாரி முதல்வர் வெளியிட்டுள்ள செய்திக்குறிப்பு:

பாலிடெக்னிக் தேர்வில் சில பாடங்களில் தேர்ச்சி பெறாத முன்னாள் மாணவர்களுக்கு, தொழில்நுட்ப கல்வித்துறை, வரும் ஏப்ரல் மற்றும் அக்டோபர் மாதத்தில், பட்டய தேர்வை மீண்டும் எழுத வாய்ப்பு வழங்க முடிவு செய்துள்ளது.இத்திட்டத்தின்படி, இக்கல்லுாரியில் 2010ம் ஆண்டு வரை முழு நேர மூன்று ஆண்டு பட்டயப்படிப்பில் சேர்ந்து படித்த அனைவரும் தேர்வு எழுதலாம்.தேர்வு எழுத விரும்பும் மாணவர்கள், ஒவ்வொரு பாடத்திற்கும் ரூ.500 தேர்வு கட்டணம், ரூ.30 மதிப்பெண் பட்டியல் கட்டணம், ரூ.25 பதிவு கட்டணமாக இக்கல்லுாரி மூலம் செலுத்த வேண்டும்.

அபராதமின்றி கட்டணம் செலுத்த கடைசி நாள் பிப்ரவரி 7ம் தேதி. ரூ.100 அபராதத்துடன் செலுத்த கடைசி நாள் 14ம் தேதி. தட்கல் முறையில் ரூ.500 அபராதத்துடன் கட்டணம் செலுத்த கடைசி நாள் மார்ச் 9ம் தேதி ஆகும்.