സംസ്ഥാനത്ത് സ്ഥിരതാമസക്കാരായ മുസ്ലീം, ലത്തീന് ക്രിസ്ത്യന്/പരിവര്ത്തിത ക്രിസ്ത്യന് വിഭാഗത്തില്പ്പെട്ട പെണ്കുട്ടികളില് നിന്നും 2016-17 അധ്യയന വര്ഷത്തേക്ക് സി.എച്ച്. മുഹമ്മദ് കോയ ഗേള്സ് സ്കോളര്ഷിപ്പ്/ഹോസ്റ്റല് സ്റ്റൈപ്പന്റ് എന്നിവയുടെ അപേക്ഷ സ്വീകരിക്കുന്ന അവസാന തീയതി ജനുവരി ഏഴ് വരെ നീട്ടിയതായി ന്യൂനപക്ഷക്ഷേമ ഡയറക്ടര് അറിയിച്ചു. സംസ്ഥാന സര്ക്കാര്, സര്ക്കാര് എയ്ഡഡ് സ്ഥാപനങ്ങളില് പഠിക്കുന്നവര്ക്കും പൊതു പ്രവേശന പരീക്ഷയെഴുതി സര്ക്കാര് ക്വാട്ടയില് പ്രവേശേനം നേടി, സ്വാശ്രയ സ്ഥാപനങ്ങളില് പഠിക്കുന്നവര്ക്കും അപേക്ഷിക്കാം. മുന് വര്ഷങ്ങളില് ഈ സ്കോളര്ഷിപ്പ് ലഭിച്ചവര് അപേക്ഷിക്കേണ്ടതില്ല. ആദ്യ വര്ഷങ്ങളില് അപേക്ഷിക്കാന് കഴിയാതിരുന്നവര്ക്കും ഇപ്പോള് പഠിക്കുന്ന വര്ഷത്തേക്ക് അപേക്ഷിക്കാം. അപേക്ഷകര് യോഗ്യതാ പരീക്ഷയില് അന്പത് ശതമാനത്തില് കുറയാത്ത മാര്ക്കും കുടുംബ വാര്ഷിക വരുമാനം അഞ്ച് ലക്ഷം രൂപയില് താഴെയുള്ളവരുമായിരിക്കണം. അപേക്ഷകര്ക്ക് എസ്.ബി.റ്റി ബാങ്കിലെ ഏതെങ്കിലും ശാഖയില് സ്വന്തം പേരില് അക്കൗണ്ട് ഉണ്ടായിരിക്കണം. www.minoritywelfare.kerala.gov.in എന്ന വെബ്സൈറ്റില് നിന്നും അപേക്ഷ ഡൗണ്ലോഡ് ചെയ്യാം. അപേക്ഷ സ്വീകരിക്കുന്ന അവസാന തീയതി ജനുവരി ഏഴ്. അപേക്ഷിക്കേണ്ട വിലാസം ഡയറക്ടര്, ന്യൂനപക്ഷ ക്ഷേമ വകുപ്പ്, നാലാംനില, വികാസ് ഭവന്, തിരുവനന്തപുരം-33. ഫോണ് : 0471 - 2302090, 2300524. പി.എന്.എക്സ്.5028/16