ਜਲੰਧਰ- ਅਮਰੀਕੀ ਟੈਕਨਾਲੋਜੀ ਕੰਪਨੀ ਗੂਗਲ ਨੇ ਅੱਜ ਫੋਟੋ ਜਨਰਲਲਿਸਟ ਹੋਮਈ ਵਿਆਰਾਵਾਲਾ ਦੇ 104ਵੇਂ ਜਨਮਦਿਨ 'ਤੇ ਨਵਾਂ ਡੂਡਲ ਬਣਾਇਆ ਹੈ। ਹੋਮੀ ਵਿਆਰਾਵਾਲਾ ਦਾ ਜਨਮ ਗੁਜਰਾਤ 'ਚ 9 ਦਸੰਬਰ 1913 ਨੂੰ ਹੋਇਆ ਸੀ। ਉਸ ਦੇ ਪਿਤਾ ਦੀ ਇਕ ਥੀਏਟਰ ਕੰਪਨੀ ਸੀ। ਪਿਤਾ ਦੀ ਘੂਮੰਤੂ ਥੀਏਟਰ ਕੰਪਨੀ ਹੋਣ ਦੇ ਕਾਰਨ ਉਨ੍ਹਾਂ ਨੇ ਆਪਣਾ ਜ਼ਿਆਦਾਤਰ ਬਚਪਨ ਘੁੰਮਦੇ ਹੋਏ ਬਿਤਾਇਆ। ਹੋਮਈ ਨੇ ਮੁੰਬਈ ਦੇ ਦੇ ਜੇਜ ਸਕੂਲ ਆਫ ਆਰਟ ਤੋਂ ਫੋਟੋਗ੍ਰਾਫੀ ਦੀ ਸਿੱਖਿਆ ਲੈਣ ਤੋਂ ਬਾਅਦ ਉਨ੍ਹਾਂ ਨੇ ਕਿਸ਼ੋਰਅਵਸਥਾ ਨਾਲ ਹੀ ਕੈਮਰੇ ਤੋਂ ਦੁਨੀਆਂ ਨੂੰ ਦੇਖਣਾ ਸ਼ੁਰੂ ਕਰ ਦਿੱਤਾ ਸੀ।
ਕਿਸ ਤਰ੍ਹਾਂ ਕਰੀਅਰ ਦੀ ਸ਼ੁਰੂਆਤ -
ਉਨ੍ਹਾਂ ਦਾ ਕਰੀਅਰ ਟਾਈਮਸ ਆਫ ਇੰਡੀਆ ਨਾਲ ਸ਼ੁਰੂ ਹੋਇਆ ਸੀ। ਕਰੀਅਰ ਦੀ ਸ਼ੁਰੂਆਤ ਦੇ ਸਮੇਂ ਫੋਟੋ ਕ੍ਰੇਡਿਟ 'ਚ ਉਨ੍ਹਾਂ ਦੇ ਪਤੀ ਮਾਨੇਕਸ਼ਾ ਵਿਆਰਾਵਾਲਾ ਜਾਂ ਫਿਰ ਉਨ੍ਹਾਂ ਦੇ ਕੋਡ ਨੇਮ ਤੋਂ ਜ਼ਿਆਦਾ ਸੀ। ਹੋਮਈ ਦੀ ਅਸਲੀ ਪਛਾਣ 1942 'ਚ ਦਿੱਲੀ 'ਚ ਬ੍ਰਿਟਿਸ਼ ਸੂਚਨਾ ਸੇਵਾ 'ਚ ਕੰਮ ਕਰਨ ਦੌਰਾਨ ਬਣੀ, ਜਦੋਂ ਉਨ੍ਹਾਂ ਨੇ ਸਵਤੰਤਰਤਾ ਸੰਗਰਾਮ ਨਾਲ ਜੁੜੀਆਂ ਘਟਨਾਵਾਂ ਦੀ ਤਸਵੀਰ ਖਿੱਚੀ ਸੀ। 1930 ਤੋਂ 1970 ਦੇ ਵਿਚਕਾਰ ਸਿਰਫ ਇਕ ਪ੍ਰੋਫੈਸ਼ਨਲ ਫੋਟੋ ਪੱਤਰਕਾਰ ਸੀ।
ਉਨ੍ਹਾਂ ਨੇ ਲਾਰਡ ਮਾਊਂਟਬੇਟਨ ਦੀ ਵਿਦਾਈ, ਮਹਾਤਮਾ ਗਾਂਧੀ, ਜਵਾਹਰਲਾਲ ਨਹਿਰੂ ਅਤੇ ਲਾਲ ਬਹਾਦੁਰ ਸ਼ਾਸ਼ਤਰੀ ਦੇ ਸੰਸਕਾਰ ਦੀਆਂ ਤਸਵੀਰਾਂ ਵੀ ਖਿੱਚੀਆਂ ਸਨ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਤਿੱਬਤ ਤੋਂ ਬਚ ਕੇ ਆਏ ਦਲਾਈ ਲਾਮਾ ਅਤੇ ਕਵੀਨ ਐਲੀਜਾਬੇਥ ਦੀ ਤਸਵੀਰ ਖਿੱਚਣ ਵਾਲੀ ਪਹਿਲੀ ਫੋਟੋਗ੍ਰਾਫਰ ਸੀ।
2012 'ਚ ਮੌਤ -
1970 'ਚ ਆਪਣੇ ਪਤੀ ਦੀ ਮੌਤ ਤੋਂ ਬਾਅਦ ਹੋਮਈ ਨੇ ਆਪਣੇ ਕੈਰੀਅਰ ਨੂੰ ਛੱਡ ਦਿੱਤਾ ਸੀ। ਹੋਮਈ ਨੇ ਆਪਣੀ ਫੋਟੋਗ੍ਰਾਫ ਦੇ ਕਲੈਕਸ਼ਨ ਨੂੰ ਦਿੱਲੀ ਅਲਕਾਜੀ ਫਾਊਂਡੇਸ਼ਨ ਫਾਰ ਆਰਟਸ ਨੂੰ ਸੌਂਪ ਦਿੱਤਾ ਸੀ। ਸਾਲ 2012 'ਚ 15 ਜਨਵਰੀ ਨੂੰ ਲੰਗ ਦੀ ਬਿਮਾਰੀ ਦੇ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ ਸੀ।